mindah ari menua kanowit

Keterubah ia ngau urang gawa kereja perintah lalu bulih posting ba sepital kanowit. Enti enda gawa sepital kanowit, kada kala meda gamal menua kanowit. Enda berasai ari beganti bulan, bulan beganti taun, lima taun lebih diau menua kanowit. Nyamai diau menua kanowit, pemakai nyamai, menua mit, alai besukan bisi, gawa pan nyamai laban ka sepital mit, nadai entu mayuh pengawa. Busy sigi busy ga, tang enda ga bangat ngalah ka penyibuk bala sapit kepala menteri. Mula mula posting suba nyiwa ba kedai cina atas kedai singer, sewa mudah maya nya taun 2015 agi 180. Nyu niki elaun rumah perintah niki ga sewa. Udah nya ari nya pindah agai alai rumah cina sebuah ba teluk menua, bedau bulih sebulan diau dia alu bulih kuaters bomba, seberai sepital aja. Enti nurun kerja ngelayang nyemerai aja. Udah setaun ngenat ka diri diau ba dia begulai ngau sarang manyi, pindah ga alai rumah cina diau ba master room, nda tan ga mayar sewa nyu 350 sebulan asai ka mayar kancil sebuah, pindah baru alan rumah cina ba ujung nyin. Ari nya tadi lama diri diau dia pulai ari maternity leave pindah begulai ngau sida sama sepital nyewa rumah sebuah. Nya meh tusun pengidup nomad paleolitik mesolitik neolitik aku ba kanowit, pindah kia pindah kia. Lima taun, lima rumah. Setaun siti rumah nya. maya agi ba singer suba, bisi bukit baruh ba tisi bangunan upis aik dia, pagi ari urung jam 0630 pagi nyentuk pukul 0700 pagi maya ujung minggu, dia meh alai aku lipak, bejuging, kadang maya jukat gik mai tikai yuga piknik ba dia. Apus menua kanowit peda ari nya. Nyamai amai nadai urang dia semina aku aja rindu ka bala kemiding bala paku ba dia. Nyu pemuas ia urang meda aku dia, nyu nemu nunda bala kedua nyu mayuh ga urang kia udah nya. Pama mih bisi ketanda aku diau menua kanowit. Pemuas ia dirara urang ga aku, anang entu niki kia laban endur nya enda manah, enda celap ko urang tuai. Tang kur semengat aku nadai kala nama nama taja suah niki kia kediri. Ia nitih gaya siko siko, pama nemu basa tama endur nya, sigi enda ia ngacau. Udah pulai cuti ngandung, nyu pindah ga agai rumah ke depan agi, semak alai juging ka stadium ngau agai padang besai. Dia aku lalu lemai lemai ari jam urang tinduk, nyelepat enda lama bejalai meling pasar kanowit. Ari library nya datai agai makit baru ujung din, mansa kubur melayu kubur cina kubur iban eh enda ingat agi sesepi aku tiga bengkah kubur ba dia. Pulai ari nya musing agai padang, mansa kubu emma, ngili pulai ke pasar, musin baru agai pus upis, lawit agai bumba dah nya baru pulai ka rumah. Dini enda slim tudah, teburut ga tancut dalam dua minggu ahaks. Pia mega taja aku nujah jalai nya kediri lemai ari, kur semengat ga neya nadai utai ngacau. Munyi ko aku tadi, enti agai endur bakanya, beri basa, jaga mulut, mansa kubur ang mikir antu aja. Besampi ka roh sida. Sida pan mensia baka kitai suba sebedau parai. Pengerugi paling besai aku diau menua kanowit enda kala tama kubu emma. Ukai enggai, nadai ari. Laban ari ia buka kena ari kitai bekereja. Ia enggai nyadi ga minta cuti segal ka tama kubu emma enda pia ia. Udah ka ngisi burang pindah ka sibu suba, bendar meling menua kanowit ngambi gambar kena ka pengingat. Meling sepital kanowit ngambi gambar pengingat. Engka ta lulus pindah, peda sekali amai lulus nya ia bulih. Kadang gut feeling kitai tu jarang bula. Burung nemu nelai, batu nemu nusi, tanah nemu bejaku. Nasib endar ga sepemanjai aku diau menua tu aku appreciate every nook and crook of this town. Last day sebedau ninggal ka menua kanowit, ngabas pasar nam leong, meli tancut siti baju siti ba kedai atas nya. Taja bau and enda lawa, nya aja meh debu uras kanowit bai ku pulai sibu. Gawa ba ditu sigi nyamai, ukai asai gawa ba endur bukai. Rilek rilek makai makai aja kereja. Ia ta jarang mensia kurus pansut ari menua kanowit tu, mansang gemuk ka mayuh gik. Aruh ia ga, nadai pengawa bukai pengawa makai bebelama. pengingat paling manis diau menua kanowit maya nyewa ba singer suba, ninting jam beyuga besenam laban bilik nya besai. Nyamai alai ngaga pengawa bakanya. Sama meh maya angkat diau ba kuaters bomba, laban siko aja nguan kuaters, bagas mai exercise suba. Lemai ari jumping rope reredup lantai, nyu busan ga diau ba bilik. bisi siko mensia masuk ba dalam my fondest memory dia ianya lutur cina ari kl. kawin ngena adat iban, bisi meri ku utai sebengkah ia suba, disimpan aku nyentuk ka diatu, dikenang aku belama, enti parai nya meh ka baya aku. mentas amai baka diri menyadi.  sekandang lima taun udah diau gawa ba sepital kanowit, bisi siko ga ibok nya selalu di tulung aku, nadai urang bukai ka nulung ia enti ukai aku ko jako ia. Udah di ambu ku indai, udah di sagi ku ambai. Mentas cukup mentas, manah sereta pemurah. Rindu besedekah, celap ati meda urang baka ia. Petara aja ulih malas budi ia enggau aku. di bai aku parai pementas ngau pemanah ia enggau aku. Enti ku ngenang ia, beraie diri ga leka mata, nya nyu jiwang. Pia mega, gawa ba sepital pan nyamai meh, bisi siko indu cina nya, taja aku selalu belaya ngau ia, tang ia andal amai ka jaku aku. Enti aku bejaku lalu mending ia. Enti urang bukai adai di ibuh ia. Rindang ga ati ku belaya ngau ia, kadang enda betah ga aku enti ia nda ngelaya aku. Taja mulut ia bisa, tang ati ia manah.  Nama penyai ia dipeda urang aku enda peduli laban ia amai manah emggai aku. Nibuh kitai nusi meh nama pemanah kitai enggau urang, taja kitai dipeda jaie . Munyi ko ed sheeran, only words bleed. Laban ka enda enggau urang berundang, diau ba kanowit aja meh. Maya ujung minggu pulai ga ke sibu. Maya de sibu ka pulai kanowit. Maya de kanowit ka pulai ka sibu. Nyelai mai bala atau bala tungkul sengayuh, te nundi. Lima taun nya meh ngena van beribit kanowit ke sibu. Nyu nemu enda betah bala deriba van pama nda meda gamal aku pulai nyoo. Terima kasih agai bala deriba van kanowit udah nganjung ngambi aku pulai ngelama tu. Enti nadai sida , dini meh alai kena pulai. Nyu ngantuk tu agi mayuh ka ditulis tu, ila nyambung ga ba entry ka dudi. Gunite dulu meh, anak pan udah bekuruh munyi kapal sepibut ba sepiak.