rindu macha bup

enti aku bisi enggau interbiu, nama pengawa nuan maya lepa Mira, ko urang, maya lepa aku rindu macha bup. laban sigi amat nya meh pengawa aku maya lepa. sigi baknya meh gaya pendiau kitai urang introvert, rindu tenggelam ba dalam dunya diri empu. pia meh dikumbai urang kera sumbang tauka nadai life baka urang, tapi ko kitai nya meh life sebenarnya. pulai ngagai cerita tadi, bepun aku rindu maca bup ianya ari jeman sekula suba, te masuk meh sekula pum lalu minat ka ngagai library belama.aku suba sekula buding ari pum satu nyentuk ka pum enam. dia jadual kami urang sekul buding enda sebaka enggau nembiak sekula harian, udah pulai sekul tengahari kami lalu mupuk ka dewan makai, udah tembu makai semua pulai ka asrama lalu mandi kerja asrama semua, nuci  jamban nuci bilik mandi, besapu tangga,ngerunsai parit meh pengawa kami, malam malam pama enda beresi, bisi perjumpaan. perak urang nyentuk ka pagi ari laban bala pengawas sigi te rindu radak radak. rindu maya sekula buding suba, ukai baka nembiak diatu, sipat ngena wi ka mesai semut nya lalu kedui baka urang parai sulu. pulai ngagai cerita nya tadi, tembu pengawa nya semua, dia kami deka rest dulu sebedau masuk kelas lemai urung pukul tiga kenya sampai jam lima tauka empat lemai. nitih gaya, maya warden mentas, nadai kelas ga, asuh ia rehat aja ba buding sebedau nurun kelas malam. kelas malam legi ari pukul tujuh sampai pukul sembilan ga. aruh nembiak asrama landik agi neya. dia jam kami berehat tengahari sebedau nurun kelas malam, nadai entu begidu pintu enda engkuda bala semut, laban bala nembiak tinduk magang. sigi jam tinduk ga mayanya. dia meh jam aku enselit belalai nurun ka library laban aku tu sigi insomnia ko urang putih. te enggai tinduk mata jaik amai ga. datai aku ba library din, laban pustakawan nya sigi suah meda aku, lalu tuchum2 tua ia bebalas ka lirik mata baka cerita sida hema malini. udah nya ba dalam teluk din bisi siti bangku enggau mija, gelap kawasan nya laban ia ba teluk antara rak buku. dia meh alai aku selalu lipak, kiranya my spot la reti ia tadi. dia aku lalu macha buku, random aja diambi, paling minat sigi encyclopedia meh. macha peta dunia, meda globe ka segala nya, meda kamus jako iban mayuh amai suba, enggau paling suah sigi encyclopedia meh, laban sigi urang minat geografi empu. ari pum satu nyentuk pum tiga geografi sepemanjai exam sigi bulih A bebelama, nyu enggai cigu cina nya meda aku laban ia enda pecaya anak iban ulih ngalahka anak cina ba kelas nya, nyaaaaaaa ia. . berengkah ari nya, aku mula rindu macha buku bukai kelebih agi buku inggeris, laban maya nya suba sigi mayuh agi pilihan buku inggeris berbanding buku bahasa bukai. ukai meh ketegal enggai macah bup iban tauka bup melayu. ari nya meh aku sigi selalu belalai lipak ka library, dia jam urang tinduk ndai meda, dia jam aku belalai mansang ka library. mayuh macham meh bup ka diminat, ia ga mayanya sigi nadai mayuh nembiak rindu ka library, kadang aku siku aja meh ba dia, dini enda gaga ati asai ka dunya di empu aku. nyentuk ka udah nyadi indai tu pun aku agi macha bup diatu benung besengkang mata ko melayu nembuka bup perancis ianya Les Miserables. manah amai bup tu wai bala pemaca laban ia ngenengahka mayuh macam curak pia bepun ari keagamaan, prejudis, kemiskinan, perang,friendship, society, eh macam meh nya dia magang. nya alai bup tu dipesan urang seagi mata panas angkat seagi nya meh bup tu tau dibaca. enti nitih ka juluk ati aku, semua bup ka udah dibeli aku nya ka digaga ka aku library awak ka meransang nembiak rindu macha. laban aku paham ga kadang kitai mensia tu minat sesuatu nya tapi kitai ukai urang bisi. baka aku suba, sebedau bekuli kerja semua, empai bisi duit diri empu, meli celak mata ngena duit apai, udu macha bup pdf aja ba internet laban ka enda mampu ka meli bup rega baka rega manuk siko. diatu udah bisi kerja diri empu sema munyi jako mayuh gik bebeli ka bup ari kena makai. diatu gik laban ka udah nyadi indai, nadai entu ulih enggau urang bebuai ka duit ngapa, ka pan enda sambung baru meh macha bup ba pdf gugel aja ari ka meli. enti kitak ka nemu, pdf tebesai meri bup peri ianya Projek Gutenberg, taip aja nama bup ka baca nuan bisi aja dia.  suba ukai enda bisi program nilam suba, enti digarap amai bisi kesan program nya ba aku nyentuk ka diatu :D. bup ka paling diminat aku ianya to kill a mockingbird, metafora anafora semifora amai tajuk bup tu. bisi tiga empat kali udah aku ngulang bup tu laban rindu berekak enggau dirik empu, enti baka kitak meda watak ianya jean louis tauka nama kangau ia scout ba dalam nya, ia amai innocent, nadai nemu meda penyalah ba urang, sereta apai ia atticus finch laban sigi luya empu, sigi urang tinggi intgriti. bisi siti line ba dalam bup nya sentiasa lekat ba dalam pala untak aku, atticus read the book so deep he wont even hear the kingdom come. bakanya meh pendiau urang macha bup, nadai nemu utai agi ba dunya baka dopamine bup ba sida ia. perhaps, munyi ko urang putih, kitai rindu ka bup laban kitai meda diri kitai ba dalam bup nya. 

gambar nya lama udah taun 2016 suba, agi selim berat 42kg mayanya. diatu udah segala mesai guni baja. 

kala sekali mayanya aku ngambi cuti setengah ari laban bisi pengawa bukai, enselit mansang ngagai library kanowit laban nadai kala bisi peluang ka kia, akainai nadai utai meh ba dalam nya, bup mayuh mensia nadai. dini enda kecewa asai ati laban meda nya te puang. kebendar ia dalam ati din gaga, laban aku siku aja ba dia, munyi ko aku tadi, asai dunya empu aku. udah lipak enda lama ba dia, aku lalu mupuk. enda nemu nama kebuah, tang temegah mai asai ati malam nya pan tinduk jenak ngenang ka diri udah agai library, sepengalama udah enda. tapi enggai bula meh, nadai entu bisi buku ba dia. diatu anak aku empu pan suah dibeli ka aku bup, sebedau tinduk malam sigi macha abc 123 dulu tua ia, lalu macha bup Good Night Stories for Rebel Girl vol 1, manah bup nya dibacha nembiak mit laban ia myuh grafik cecinang tampak dipeda mata. agipan tebal enggau penuh penemu sejarah laban ia bup pasal urang indu ti udah berjaya baka sida cleopatra, nicol david enggau serena william.  baka indai aku empu, taja ia nadai sekula, umur 12 taun udah beranak ka madi kami ka tuai, tapi aku salut amai agai ia, laban ia nemu nulis enggau macha, enti aku bebelika bup, sigi meli ka ia siti novel aku, apus nya dibaca ia, ba aku udu besema ba madik aku ka biak, peda dik mak, taja nadai sekula, rajim macha bup, alah dik ka sekula nya ko aku. lalu meh ia sampai saritu minat macha bup, pama dibai aku agai kedai buku, sigi milih siti ia, pulai ia bacha ia apus, udah tembu ulang baru. umbas dulu meh, ila nyambung baru engka ka ngaga entry pasal bup ba volume kedua ila....guten nacht.